للعزاب فقط ممنوع دخوال المتزوجين

لـلـعــزابــ فــقــط ..

ممنوع دخول المتزوجين
--------------------٠
خلال هاليومين اللي راحت قعدت اجمع حروف لين كونت سؤال الا وهو ...
سؤال لكل عزوبي .. يتسدح بالملحق ؟
هل تنام على بطنك ؟ او تخم الوسادة بالليل ؟
او تعفس الكنب وتعضه وتسعبل عليه وانت نايم ..
او تنام في الشوارع كأنك قطو ..
او تنام على الكنب وانت تقرأ الجريده ،
او تنام ويطلع سرك ستر الله سرك.
إذا كانت الاجابة بنعم
فإن كل هذه اعراض لرغبة جامحه وكامنه بالزواج وان ما تلاحقت عمرك
راح يجي اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".
.
لا تتخذ قرار الزواج إلا وانت في حالة هدوء تااام بعيدا
عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول
( دوروا لي ابي اعرس ) ، ابي اكمل نصف ديني .

اولاً : مرحلة ما قبل الزواج :
كيف تعرف انك استويت عزيزي الشاب وحان قطافك من بنت الحلال :

أ: علامات الرغبة في الزواج عند الشاب :
1 - إذا بديت تحب الاغاني وتسمعها بمخمخه
وتتخيل انك تقول الكلام لوحده ..
فاعرف انك ( قاضي ) فتلاحق عمرك وشف لك بنت حلال ،
بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس )
>>>> التقسيط متاح بدون كفيل في مؤسسة مباري للعرس على النوته
كذلك إذا صرت تتابع الفيديو كليب وتهج اثمك
ولو يناديك ابوك ما ترد عليه.
2– إذا بديت تقول يا زين بيروت والـ إل بي سي والمستقبل ؟
فاعلم اخي انك لو انتظرت سنتين ستصدّي صواميل ظهرك وتصير بلا مستقبل.
3– إذا بديت تمشى بالسوق وتتمنى ان البنت اللي قدامك يطيح اللي هي شايلته
علشان تصدم فيها وتقول ( ليمون نعناعه ) فاعرف انك على مشارف انك تكون ( شبهه)
وشهار ما يقبلك ولا منتسب .
7 – إذا بديت تعطّر بعطور نسائيه وتقول ما فيها شيء
( العطورات ليست حكرا على احد ) ..
فاعرف انك بديت ( تخق ) لذلك اكرب عمرك واعرس.

ثانيا : اثناء الخطبة :
1 – انضبط وابدأ صل بالمسجد .
واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد
ويقولون تعرفون فلان ..
لذلك صل وابد ( طلطل ) بوجيه المصلين
كأنك تدور اخوانك.<<<< ما احب هالحركه.
2 – لا تتهيبل وتروح تتسلف سيارة زميلك ( الفخمة )
وترزها عند باب اللي انت خاطب منهم
لأن الخطيبة مصيرها تعرف ان السياره مو سيارتك
وبالتالي تطيح من عينها .. بكيفها ..
3 - اثناء الشوفه لا تستحي ابدا وقز البنت من راسها لرجليها
ولا يهمك ابوها واخوانها لأن الشرع ( يدعمك ) وان قالوا شيء ..
قل لهم حديث الرسول صلى الله عليه وسلم:
" فلينظر اليها وتنظر اليه فأنه احرى ان يؤدم بينهما "
يعني بالعربي مسنود بقوة بالشرع.
وكما قال الشاعر
( لسان الفتى نصف ونصف فؤاده ,,,,,,,, فلم يبق الا صورة اللحم والدمِ )
<<<< يضيع مع اللحم في الضحايا خصوصاً الكبدة
يا بعد كبدي.. لا يرووووووووووح بالكم بعيد.
4- في الخطبة ان صار فيه مكالمات بعد ما يوافقون عليك
.. فلا تصير لصقه وعلة كل دقيقة داق على البنت
.. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟

5 - لو ( كتبت كتابك ) على البنت قبل بفترة وبديت تأثث بيتك
.. لا تاخذ البنت إلا علشان تختار غرفة نومها بسسسسسسسسس ،
وإلا باقي الاثاث اختاره انت وإلا خلها هي اللي تختاره كله
.. لانكم إذا بديتوا تطلعون مع بعض تختارون الاثاث ..
فراح يطلع الاثاث مشكل تشكيلة عجيبه والوانه
كأنها ( عصير تكرونيه عند الحرم )..
٠
كذلك اضبط ميزانيتك على مستوى معين من الأثاث بمعنى ..
ما تشتري لي لوحه بــ 3000 الاف والكنبات بـ 5000 الاف ..
يعني ما فيه توازن
وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال ..
فيصير بيتك كأنه ( حراج ابن قاسم )
من كل بحر قطره. فتصير مثل اللي بيتهم طين وعندهم ( رولز رويس ).
6 – اياني وياك تظهر بشكل مثالي في الخطبة بل خلك على طبيعتك ،
بحيث تقول للبنت هذا اناااا ..
مو تصير حبيّب بالخطبة وصدام بعد الملكة.

أتمنى لكـ عــزوبــــي الــتـــوفــيق...